पिंपरी-चिंचवड (पुणे) येथे बनावट कागदपत्रांद्वारे सिद्ध केलेली ४२ पारपत्रे रहित !

२३ बांगलादेशी घुसखोरांना अटक !

पिंपरी (जिल्हा पुणे) – पिंपरी-चिंचवड पोलिसांच्या आतंकवादविरोधी शाखेने साईनाथनगर, निगडी येथून अनधिकृतरित्या वास्तव्य करणार्‍या ५ बांगलादेशींना अटक केली होती. त्यांच्याकडे केलेल्या चौकशीतून बनावट कागदपत्रांच्या आधारे भारतीय पासपोर्ट (पारपत्र) सिद्ध करणार्‍या मध्यस्थाला अटक केली. त्याने ४२ बांगलादेशी नागरिकांना पारपत्र दिल्याचे सिद्ध झाले. त्यातील २३ घुसखोरांना अटक करण्यात आली आहे. ती ४२ भारतीय पारपत्रे प्रशासनाने रहित केली आहेत. त्यासाठी पिंपरी-चिंचवड पोलिसांनी पाठपुरावा केला होता. (संबंधितांवर कठोर कारवाई करण्यासह त्यांची पाळेमुळे खणून काढणे आवश्यक ! – संपादक)