श्री क्षेत्र देहू येथील जगद्गुरु संत तुकाराम महाराजांच्या पालखी रथासह साहित्याला चांदीची झळाळी !

पुणे, सातारा आणि सोलापूर जिल्ह्यांतील म्हणजे पालखी मार्गांवरील हॉटेल्स, रेस्टॉरंट, मिठाई दुकाने येथील खाद्यपदार्थांची, स्टॉलधारकांची अन्न-औषध प्रशासनाकडून पडताळणी करण्यात येणार आहे. काही शंकास्पद आढळल्यास त्वरित कारवाई केली जाणार आहे. या सर्वांवर लक्ष ठेवण्यासाठी ३३ अधिकार्‍यांची नियुक्ती करण्यात आली आहे, असे नियोजन अन्न-औषध प्रशासन पश्चिम महाराष्ट्र विभागाच्या वतीने करण्यात येत आहे.

पैठण-पंढरपूर या मार्गाने शांतिब्रह्म संत एकनाथ महाराज यांचा पालखी सोहळा पंढरपूरकडे जात असतो. ६ वर्षांचा कालावधी होऊनही हा रस्ता अपूर्णच आहे.

या रस्त्याचे काम पूर्ण झाले नसल्याने वारकर्‍यांना खडबडीत, चिखलाने माखलेल्या रस्त्यावरूनच जावे लागणार आहे. केंद्रीय वाहतूकमंत्री नितीन गडकरी यांनी या रस्त्याच्या कामास अनुमती दिली आहे; परंतु ६ वर्षांचा कालावधी झाला, तरी रस्त्याचे काम पूर्ण होत नाही, त्याविषयी वारकर्‍यांनी खंत व्यक्त केली आहे.

संत तुकाराम महाराजांची पालखी आकुर्डीतील ‘विठ्ठल मंदिरा’मध्ये २९ जून या दिवशी मुक्कामी असणार आहे, तर संत ज्ञानेश्वर महाराज यांची पालखी ‘दिघी मॅगझीन कॉर्नर’ येथे ३० जून या दिवशी असणार आहे. दोन्ही ठिकाणी पावसाचे पाणी कोठेही तुंबणार नाही, याची काळजी घेतली जाईल. मार्गांची पहाणी करून खड्डे बुजवण्याची कार्यवाही चालू आहे, पालखी मुक्कामाच्या ठिकाणी ‘कंट्रोल रूम’ (नियंत्रण कक्ष) उभारून वाहनतळ आणि वारकरी यांना पुरवण्यात येणार्‍या सुविधांच्या संदर्भात फलक लावण्यात येतील, अशी माहिती देण्यात आली.