भाईंदरचे माजी आमदार गिल्बर्ट मेंडोन्सा यांच्या विरोधात गुन्हा नोंद !

महिलेचा विनयभंग केल्याचे प्रकरण

भाईंदर – भाईंदरचे माजी आमदार गिल्बर्ट मेंडोन्सा यांच्या विरोधात एका महिलेला अश्लील शिवीगाळ करून धमकावल्याप्रकरणी विनयभंगाचा गुन्हा नोंद करण्यात आला आहे. मतदानाच्या दिवशी उत्तन येथे ही घटना घडली होती. संबंधित महिलेने त्यांच्या विरोधात तक्रार प्रविष्ट केली होती.

तक्रारदार महिला पूर्वी राष्ट्रवादी काँग्रेस पक्षात होती; मात्र पक्षात फूट पडल्यानंतर तिने राजीनामा दिला. आता ती सामाजिक कार्य करत आहे. भाईंदरच्या उत्तन येथील घनकचरा प्रकल्प, तसेच इतर स्थानिक सूत्रांवरून त्यांचा माजी आमदार गिल्बर्ट मेंडोन्सा यांच्यासमवेत वाद होता.