T20 World Cup 2024 : न्यूयॉर्क येथील भारत-पाकिस्तान क्रिकेट सामन्यावर आक्रमण करण्याची इस्लामिक स्टेटची धमकी

न्यूयॉर्क (अमेरिका) – येथे येत्या ९ जून या दिवशी ‘ट्वेंटी-२० विश्‍वचषक’ क्रिकेट स्पर्धेत भारत आणि पाकिस्तान यांच्यात सामना होणार आहे. या सामन्याच्या वेळी  आक्रमण करण्याची धमकी इस्लामिक स्टेट (खुरासन) या आतंकवादी संघटनेने दिली आहे. यासंदर्भात एक व्हिडिओ प्रसारित करण्यात आला आहे. यामध्ये आतंकवाद्यांनी ‘सामन्याच्या वेळी गोंधळ घालू’ अशी धमकी दिली आहे. पोलीस याची चौकशी करत आहेत.