मुसलमान दुकानदाराकडून हिंदु विधवा महिलेशी अश्‍लील संभाषण : पोलिसांत तक्रार

पिलीभीत (उत्तरप्रदेश) – येथील एक दुकानदार असलेल्या रियाझ नावाच्या व्यक्तीने एका हिंदु विधवा महिलेशी अश्‍लील संभाषण केल्याचे समोर आले आहे. रियाजने सतत ४ दिवस महिलेचा लैंगिक छळ केला. या प्रकरणी पीडित महिलेने पोलिसांत तक्रार प्रविष्ट (दाखल) केली आहे. या तक्रारीच्या आधारे पोलिसांनी आरोपीच्या विरोधात गुन्हा नोंदवला आहे.

याविषयी मिळालेल्या माहितीनुसार, पिलीभीत येथे रहाणारी एक हिंदु विधवा रियाझच्या दुकानात खाट दुरूस्त करण्याविषयी चौकशीसाठी गेली होती. रियाजने महिलेला ‘मी घरी येऊन दुरुस्त करून देईन’, असे सांगितले. यासाठी रियाजने विधवा महिलेचा भ्रमणभाष नंबरही घेतला आणि घरी पोचल्यानंतर भ्रमणभाषवरून संपर्क करण्यास सांगितले. त्याच दिवशी संध्याकाळी रियाजने महिलेला व्हिडिओ कॉल करून खाट दाखवण्यास सांगितले. काही वेळाने तो तिच्याशी अश्‍लील बोलू लागला. यानंतर त्याने व्हिडिओ कॉलवरच महिलेला त्याचे लिंग दाखवणे चालू केले. यावर महिलेने रागाने भ्रमणभाष बंद केला.

पुढचे चार दिवस रियाझने महिलेचा लैंगिक छळ चालूच ठेवला. वैतागलेल्या पीडित महिलेने आरोपी रियाजच्या विरोधात पोलिसांत तक्रार प्रविष्ट केली आहे. या प्रकरणी पोलीस पुढील अन्वेषण करत आहेत.