Delhi School Bomb Threat : देहलीतील १०० शाळांमध्ये बाँब ठेवल्याची धमकी !

तपासणीनंतर अफवा असल्याचे उघड !

नवी देहली – देहली आणि राष्ट्रीय राजधानी क्षेत्र (एन्.सी.आर्.) या भागांतील जवळपास १०० शाळांमध्ये बाँब ठेवण्यात आल्याची धमकी ई-मेलद्वारे देण्यात आली. यानंतर पोलिसांनी सर्व शाळांची तपासणी केल्यावर ही अफवा असल्याचे उघड झाले.

धमकी मिळाल्यानंतर पोलिसांनी तातडीने सर्व शाळा रिकाम्या केल्या होत्या. पोलीस ई-मेल पाठवणार्‍याचा शोध घेत आहेत.