Muslims Freedom Fighters : (म्हणे) ‘स्वातंत्र्य चळवळीत सर्वाधिक बलीदान मुसलमानांचे !’ – एच्. आंजनेय, माजी मंत्री, कर्नाटक

मुसलमानांच्या मतांवर जगणार्‍या काँग्रेसच्या एका नेत्याचे निलाजरे विधान !

चित्रदुर्ग (कर्नाटक) – मुसलमानांना भाजप मानसिक त्रास देत आहे, असे वक्तव्य काँग्रेसचे उपमुख्यमंत्री डी.के. शिवकुमार यांनी अलीकडेच केले होते. या वक्तव्याचे कर्नाटकातील माजी मंत्री आणि काँग्रेसचे ज्येष्ठ नेते एच्. आंजनेय यांनी चित्रदुर्ग येथे बोलतांना समर्थन केले. ते म्हणाले की, कुणी कितीही त्रास दिला, तरी देशात वास करणार्‍यांनी देश सोडून जायचा प्रश्‍नच उद्भवत नाही. येथे रहाणारे सर्वजण एकाच आईची मुले आहेत. मुसलमानांनीही स्वातंत्र्य चळवळीत सहभाग घेतला. ब्रिटीश गोळ्या घालतांना हा मुसलमान, शीख, लिंगायत, ब्राह्मण असे म्हणायचे का ? ब्रिटिशांना हाकलतांना सर्वाधिक बलीदान मुसलमानांनीच दिले आहे.

आंजनेय पुढे म्हणाले की, आम्हीच देश उभा केला. आम्हीच जिंकू, आम्हीच देशावर राज्य करू ! (दिवास्वप्नात वावरणारे आंजनेय ! – संपादक) ७५ टक्के हिंदू आमच्या बाजूने आहेत. मुसलमानांना भाजपकडून काहीही नको; परंतु हिंदूंना भाजपने काय दिले ? हिंदू असा शब्द सांगून त्याने हिंदूंना मागे रेटले आहे.