Jammu Kashmir Target Killing : राजौरी (जम्मू-काश्मीर) येथे आतंकवाद्यांकडून सरकारी कर्मचार्‍याची हत्या

श्रीनगर (जम्मू-काश्मीर) – जिहादी आतंकवाद्यांनी काश्मीरच्या महंमज रज्जाद या राज्य सरकारच्या समाजकल्याण विभागात काम करणार्‍या स्थानिक व्यक्तीची त्याच्या घरात गोळ्या झाडून हत्या केली. ते राजौरी येथील निवासी होते. त्यांचा भाऊ सैन्यात शिपाई आहे. आरोपींना पकडण्यासाठी पोलीस आणि सैन्य यांच्या संयुक्त पथकाने परिसरात शोधमोहीम चालू केली आहे.

जम्मू-काश्मीरमध्ये एका महिन्यात लक्ष्यित हत्येची (टार्गेट किलिंगची) ही तिसरी घटना आहे. यापूर्वी २ बिगर काश्मिरींची हत्या झाली होती. यात एक हिंदु आणि एक शीख यांचा समावेश होता.