राष्ट्रवादी काँग्रेसचे नेते ए.वाय. पाटील यांच्यासह ४० जणांवर कोल्हापूर येथे गुन्हा नोंद !

आचारसंहितेचे उल्लंघन केल्याचे प्रकरण

कोल्हापूर – महाविकास आघाडीचे उमेदवार शाहू महाराज यांच्या समर्थनार्थ विनापरवाना रॅली आणि कार्यकर्त्यांचा मेळावा घेतल्याप्रकरणी राष्ट्रवादी काँग्रेसचे नेते ए.वाय. पाटील यांच्यासह ४० जणांवर करवीर पोलीस ठाण्यामध्ये गुन्हा नोंद झाला आहे. निवडणूक आचारसंहितेचे उल्लंघन केल्याचा त्यांच्यावर ठपका ठेवण्यात आला आहे आहे, अशी माहिती पोलीस निरीक्षक किशोर शिंदे यांनी दिली.

गुन्हा नोंद झालेल्यांमध्ये प्रामुख्याने अविनाश पाटील, राजाराम पाटील, शिवानंद महाजन, दिनकर पाटील आदींचा समावेश आहे. राष्ट्रवादी काँग्रेसचे नेते ए.वाय. पाटील आणि त्यांच्या समर्थक कार्यकर्त्यांनी २ दिवसांपूर्वी महाविकास आघाडीचे उमेदवार शाहू महाराज यांच्या समर्थनार्थ शहरातून रॅली काढली होती, तसेच कार्यकर्त्यांचा मेळावाही आयोजित करण्यात आला होता.