मुंबई – येथील एकाने ५८ वर्षीय प्राध्यापक महिलेची कृत्रिम बुद्धीमत्तेचा वापर करून १ लाख रुपयांची फसवणूक केली. या प्रकरणी पोलीस अधिक अन्वेषण करत आहेत. पीडित महिलेने फसवणूक करणार्‍याच्या विरोधात पोलिसांत तक्रार केली आहे.
महिलेला अज्ञात क्रमांकावरून भ्रमणभाष आला. मुंबई पोलीस दलात पोलीस निरीक्षक असल्याचे सांगून संबंधिताने संपर्क केला. त्याने सांगितले, ‘‘आम्ही तुमच्या मुलाला एका प्रकरणात कह्यात घेतले आहे. तातडीने १ लाख रुपये भरा, नाहीतर त्याला अटक केली जाईल.’’ महिलेने घाबरून मुलाला संपर्क केला; पण त्याने भ्रमणभाष न उचलल्याने त्याला पोलिसांनी कह्यात घेतल्याचा तिचा समज झाला. त्यामुळे तिने संबंधित खात्यावर १ लाख रुपये भरले. काही मिनिटांनी मुलाने संपर्क केल्यावर आपली फसवणूक झाल्याचे लक्षात आले. या प्रकरणी महिलेने जुहू पोलीस स्थानकात तक्रार प्रविष्ट (दाखल) केली आहे.
आरोपींनी एआय तंत्रज्ञानाचा वापर करून प्राध्यापिका आणि त्यांचा मुलगा यांची माहिती सामाजिक संकेतस्थळावरून मिळवली. या माहितीचा वापर करून वरील प्रकारे फसवणूक करण्यात आली.
संपादकीय भूमिकाबहुतांश सायबर गुन्ह्यांचा छडा लावण्यात पोलिसांना अपयश येते, ही वस्तूस्थिती आहे. त्यात आता सायबर तंत्रज्ञानाच्याही पुढचे तंत्रज्ञान असलेल्या कृत्रिम बुद्धीमत्तेद्वारे करण्यात येणारे गुन्हे पोलीस कसे रोखणार ? |
पुणे येथे भविष्य निर्वाह निधीमध्ये ९ कोटी रुपयांचा अपहार !
मतदान करतांना कोणत्याही आमिषाला बळी पडू नका ! – ह.भ.प. अक्षयमहाराज भोसले
नृत्यसाधकांनी विज्ञानाची कास धरत कलासाधनेतील नवीन आयाम शोधावेत ! – डॉ. विजय भटकर, ज्येष्ठ संगणकतज्ञ
आनंद देता येत नसल्यास कुणालाही दुःख देऊ नये ! – आचार्य श्रीगुरु डॉ. सुनीलदादा लुले
‘भाजप काम करो अथवा ना करो आम्ही प्रामाणिकपणे लोकसभेसाठी भाजपचे काम करणार !’ – गुलाबराव पाटील
मतदान प्रक्रियेसाठी प्रशासन सज्ज ! – जिल्हाधिकारी