Israel Ban Al Jazeera : इस्रायलमध्ये ‘अल् जझीरा’ वृत्तवाहिनीच्या प्रसारणावर बंदी !

इस्रायलच्या सुरक्षेला हानी पोचवल्याचा ठपका

जेरूसलेम – इस्रायलचे पंतप्रधान बेंजामिन नेतान्याहू यांनी ‘अल् जझीरा’ या वृत्तवाहिनीच्या प्रसारणावर तात्काळ बंदी घालत असल्याचे घोषित केले. संसदेने १ एप्रिल या दिवशी कायदा संमत केल्यानंतर नेतान्याहू यांनी ‘अल् जझीरा’चे प्रक्षेपण बंद केले. या वृत्तवाहिनीने इस्रायलच्या सुरक्षेला हानी पोचवली आहे. या वृत्तवाहिनीने ७ ऑक्टोबरला हमासने इस्रायलवर केलेल्या आक्रमणात भाग घेतला आणि इस्रायलविरुद्ध हिंसाचार भडकावला, असा आरोप नेतान्याहू यांनी केला आहे.