‘नमो ब्रिगेड’चे संस्थापक चक्रवर्ती सूलिबेले यांच्या कलबुर्गी (कर्नाटक) जिल्हा प्रवेशावरील बंदी उच्च न्यायालयाने उठवली !

कलबुर्गी (कर्नाटक) – हिंदुत्वनिष्ठ संघटना ‘नमो ब्रिगेड’चे संस्थापक चक्रवर्ती सूलिबेले यांच्या कलबुर्गी जिल्हाप्रवेशावर जिल्हा प्रशासनाने घातलेली बंदी कर्नाटक उच्च न्यायालयाने उठवली. सूलिबेले यांना जिल्ह्यातील चित्तापूर येथे कार्यक्रम घेण्यास होकारही देण्यात आला आहे. या कार्यक्रमात सहभागी होण्यासाठी निघालेले सूलिबेले यांना २८ फेब्रुवारीच्या रात्री कमलापूरजवळ पोलिसांनी अडवून परत पाठवले होते. सूलिबेले यांच्या भाषणामुळे जिल्ह्यातील शांततेला धक्का पोचेल म्हणून त्यांना प्रवेश नाकारण्यात आला होता.