राजामाता जिजाऊ यांची प्रतिमा शासकीय कार्यालयात लावण्यासाठी बंधनकारक करण्यात यावे, यासाठी पाठपुरावा करू ! – धनंजय महाडिक, खासदार, भाजप

कोल्हापूर – राजामाता जिजाऊ यांची प्रतिमा शासकीय कार्यालयात लावण्यासाठी बंधनकारक करण्यात यावे, यासाठी केंद्रीय स्तरावर पाठपुरावा करू, असे आश्वासन भाजपचे खासदार श्री. धनंजय महाडिक यांनी दिले. राजामाता जिजाऊ यांची प्रतिमा प्रत्येक शासकीय कार्यालयात लावण्यासाठी बंधनकारक करण्यात यावे, या मागणीसाठी ‘शिवशाही फाऊंडेशन’ आणि अखिल भारत हिंदू महासभेच्या वतीने खासदार धनंजय महाडिक यांना निवेदन देण्यात आले. त्या प्रसंगी त्यांनी हे आश्वासन दिले.

या प्रसंगी ‘शिवशाही फाऊंडेशन’चे संस्थापक श्री. सुनील सामंत, कार्याध्यक्षा सौ. मनीषा घाटगे, युवा महिला संघटक दिशा मांडवकर, गौरी कुलकर्णी, अखिल भारत हिंदु महासभेचे जिल्हाध्यक्ष श्री. संदीप सासने, श्री. जयराज भाईराणे, महिला आघाडीच्या अध्यक्षा सौ. शोभाताई शेलार-पाटील, उपाध्यक्षा श्रीमती शिलाताई माने यांसह अन्य उपस्थित होते.