Mahendra More:भाजपचे माजी नगरसेवक महेंद्र मोरे यांचा गोळीबारामुळे मृत्यू !

चाळीसगाव (जळगाव) येथील प्रकार !

जळगाव – तीन दिवसांपूर्वी एका टोळीने केलेल्या गोळीबारात घायाळ झालेले चाळीसगाव येथील भाजपचे माजी नगरसेवक महेंद्र उपाख्य बाळू मोरे यांचा १० फेब्रुवारीला मृत्यू झाला. त्यांच्यावर चारचाकीतून आलेल्या ५ पैकी दोघांनी गावठी बंदुकीतून गोळ्या झाडल्या होत्या. या प्रकरणी ५ आक्रमणकर्ते आणि कट रचणारे दोघे अशा ७ जणांविरुद्ध गुन्हा नोंदवण्यात आला आहे. गुन्ह्यात वापरलेल्या चारचाकीत दोन जिवंत काडतुसे, कोयता आदी साहित्य सापडले.