कांची कामकोटी पीठाचे जगद्गुरु शंकराचार्य विजयेंद्र सरस्वती यांचे सनातन संस्थेला आशीर्वाद !

सोलापूर – कांची कामकोटी पीठाचे जगद्गुरु शंकराचार्य विजयेंद्र सरस्वती हे सोलापूर दौर्‍यावर होते. या प्रसंगी सनातन संस्थेचे साधक श्री. हिरालाल तिवारी यांनी शंकराचार्य यांचे दर्शन घेऊन त्यांचे आशीर्वाद घेतले.

या प्रसंगी शंकराचार्य यांनी सनातन संस्थेचे संस्थापक सच्चिदानंद परब्रह्म डॉ. जयंत आठवले यांची विचारपूस केली. ‘तुमचे साधक हिंदु धर्माचे कार्य करत आहेत’, असे आपुलकीने सांगून त्यांच्या सेवेकर्‍यांना ‘सनातन संस्थेच्या संपर्कात रहा’, असे सांगून आशीर्वाद दिला. कांची कामकोटी हा मठ २ सहस्र ५०० वर्षांहून अधिक प्राचीन असून गेल्या २ वर्षांपासून जगद्गुरु शंकराचार्य धर्मप्रचार यात्रेवर आहेत.