सनातन प्रभात > Post Type > बातम्या > राष्ट्रीय बातम्या > Hanuman Ji Artist Death : हरियाणामध्ये रामलीलेत ‘हनुमाना’ची भूमिका करणार्‍या कलाकाराचा मृत्यू !

Hanuman Ji Artist Death : हरियाणामध्ये रामलीलेत ‘हनुमाना’ची भूमिका करणार्‍या कलाकाराचा मृत्यू !

प्रभूंच्या चरणी लोटांगण घातले असतांना आला हृदयविकाराचा झटका !

रामलीलेत ‘हनुमाना’ची भूमिका करणारे कलाकार हरिश मेहता

चंडीगड (हरियाणा) – राज्यातील भिवानी येथे रामलीलेचा कार्यक्रम चालू असतांना ‘हनुमाना’ची भूमिका निभावणार्‍या कलाकाराचा हृदयविकाराच्या झटक्याने मृत्यू झाला. रामलीला चालू असतांनाच हरिश मेहता नावाचे कलाकार अचानक भूमीवर कोसळले. त्यांना रुग्णालयात नेले असता डॉक्टरांनी त्यांना मृत घोषित केले. यामुळे हळहळ व्यक्त केली जात आहे. अयोध्येत प्रभु श्रीरामाच्या मूर्तीची प्राणप्रतिष्ठा झाल्याच्या निमित्ताने हा कार्यक्रम आयोजित करण्यात आला होता.

रामलीलेत हनुमानाच्या रूपातील मेहता श्रीरामाच्या चरणांवर डोके ठेवल्याचा प्रसंग होता. त्या वेळी श्रीराम आणि श्री हनुमान यांचा जयजयकार चालू झाला; परंतु काही सेकंद होऊन गेल्यानंतरही मेहता उठले नाहीत. हे कळताच त्यांना रुग्णालयात नेण्यात आले. काही काळापूर्वीच वीज विभागातून निवृत्त झालेले मेहता गेली २५ वर्षे रामलीलेच्या कार्यक्रमात हनुमानाची भूमिका साकारत आले होते.

नूतन लेख