सोसायटीत बोकड आणण्यास विरोध झाल्याचा विषय आमदार अबू आझमी यांनी विधानसभेत मांडला !

महाराष्ट्र विधानसभा हिवाळी अधिवेशन २०२३

नागपूर, १३ डिसेंबर (वार्ता.) : मीरारोड येथील जे.पी. इन्फ्रा कॉम्प्लेक्समध्ये मोहसीन शेख नावाच्या व्यक्तीला बोकड पाळण्यावरून विरोध झाल्याचा विषय समाजवादी पक्षाचे आमदार अबू आझमी यांनी थेट विधानसभेत उपस्थित केला.

‘घरात कुत्रा पाळू शकतो. कुत्रा चावला, तर किती त्रास होतो ! बकराही पाळीव प्राणी आहे, मग तो पाळला तर गोंधळ का होतो ?’, असा प्रश्न अबू आझमी यांनी १३ डिसेंबर या दिवशी सभागृहात माहितीच्या सूत्राच्या अंतर्गत उपस्थित केला. जून २०२३ मध्ये घडलेल्या या घटनेला धार्मिक स्वरूप प्राप्त झाले. या प्रकरणी विरोध करणार्‍या ११ हिंदूंवर पोलीस ठाण्यात गुन्हाही नोंदवण्यात आला होता.