राजस्थानच्या मुख्यमंत्रीपदी भजनलाल शर्मा यांची निवड !

जयपूर (राजस्थान) : भाजपने राजस्थानमध्ये भजनलाल शर्मा यांना मुख्यमंत्री म्हणून निवडले आहे. तसेच दिया कुमारी आणि प्रेमचंद बैरवा यांची उपमुख्यमंत्रीपदी निवड करण्यात आली आहे. ५६ वर्षीय भजनलाल शर्मा हे पहिल्यांदाच आमदार म्हणून निवडून आले आहेत. शर्मा यांनी पक्ष संघटनेत दीर्घकाळ काम केले असून ते भाजपचे प्रदेश सरचिटणीस होते. भजनलाल शर्मा यांना राष्ट्रीय स्वयंसेवक संघाची पार्श्वभूमी आहे. तसेच त्यांनी अखिल भारतीय विद्यार्थी परिषदेतही काही काळ काम केलेले आहे. छत्तीसगड आणि मध्यप्रदेशप्रमाणे नवीन चेहरा येथेही निवडण्यात आला.