ममदापूर (अहिल्यानगर) येथे धर्मांध गोतस्करांकडून गोरक्षकांवर गोळीबार !

श्रीरामपूर (जिल्हा अहिल्यानगर) – राहता तालुक्यातील ममदापूर येथील कुरेशी मोहल्ला परिसरात पोलिसांना घेऊन गोरक्षणासाठी गेलेले आप्पासाहेब नाईकवाडे, ईश्‍वर टिळेकर आणि साईराज बेंद्रे यांच्यावर गोतस्करांकडून आक्रमण करण्यात आले. यामध्ये आरोपींनी ६ डिसेंबर या दिवशी कोयते आणि तलवारीने यांनी आक्रमण केले, तसेच एकाने पिस्तुलाने गोळीबार केल्याचे तक्रारीत म्हटले आहे. या प्रकरणी आप्पासाहेब नाईकवाडे यांच्या तक्रारीवरून आरोपी नियाज कुरेशी, सद्दाम कुरेशी, आरबाज कुरेशी यांच्यासह त्यांच्या साथीदारांवर लोणी पोलीस ठाण्यात गुन्हा नोंदवण्यात आला आहे. या वेळी आरोपींवर तात्काळ कारवाई करण्याच्या मागणीसाठी लोणी पोलीस ठाण्यात हिंदू एकत्रित आले होते.