हमासने ओलिसांना मुक्त करण्याआधी दिले अमली पदार्थ ! – इस्रायल

‘ओलिसांशी आम्ही चांगला व्यवहार केला’, हे जगाला दाखवण्याचा प्रयत्न; प्रत्यक्ष पुष्कळ जाच केल्याचा इस्रायलचा दावा !

तेल अविव (इस्रायल) – इस्रायलच्या आरोग्य मंत्रालयाने इस्रायली संसदेत सांगितले की, हमासने ज्या ओलिसांना सोडले, त्यांना सोडायच्या आधी अमली पदार्थ देण्यात आले होते. यातून त्याने जगाला हे दाखवण्याचा प्रयत्न केला की, सर्व ओलिसांचे आरोग्य चांगले असून ते पुष्कळ आनंदी आहेत. खरेतर त्यांचा अतिशय जाच करण्यात आला. मंत्रालयाच्या अधिकार्‍यांनी पुढे सांगितले की, अनेक ओलिसांच्या मनावर पुष्कळ आघात झाले आहेत. त्यांना मोठा धक्का बसला आहे. त्यांना त्यातून बाहेर काढणे कठीण काम आहे.