साधकांसाठी सूचना
‘नियतकालिक ‘सनातन प्रभात’ म्‍हणजे राष्‍ट्ररक्षण आणि धर्मजागृती यांसाठी कार्यरत असलेले एकमेव वृत्तपत्र ! या नियतकालिकाद्वारे जिज्ञासू वाचकांची अध्‍यात्‍माविषयीची ज्ञानतृष्‍णा भागवली जाते, तसेच राष्‍ट्र अन् धर्म प्रेमी वाचकांना धर्मकार्य करण्‍याची प्रेरणा मिळते. अंतरंगात अंकुरलेल्‍या साधनारूपी बिजाचे वटवृक्षात रूपांतर करणारेे, तसेच अंतरातील हिंदुत्‍वाची मशाल पेटती ठेवणारे हे नियतकालिक सर्व वाचकांना नियमितपणे मिळणे आवश्‍यक आहे. असे असतांनाही काही जिल्‍हे आणि राज्‍ये यांमधील साधकांकडून या नियतकालिकांचे नूतनीकरण वेळेत होत नाही. त्‍यामुळे वाचकांना त्‍यातील अमूल्‍य ज्ञानापासून वंचित रहावे लागते. सर्व नियतकालिकांचे आवृत्तीनुसार शेष नूतनीकरण खाली दिले आहे.
१. सर्व नियतकालिकांचे शेष नूतनीकरण
सांगली आणि नागपूर जिल्‍ह्याचे सप्‍टेंबर मासापर्यंतचे नूतनीकरण पूर्ण झाले आहे. रत्नागिरी, गोवा, छ. संभाजीनगर, अकोला, चंद्रपूर, वर्धा आणि अमरावती या जिल्‍ह्यांचे सप्‍टेंबरपर्यंतचे नूतनीकरण अत्‍यल्‍प संख्‍येत राहिले आहे. मुंबई, ठाणे, रायगड, पुणे, कोल्‍हापूर, सोलापूर, सांगली, रत्नागिरी, सिंधुदुर्ग, गोवा आणि जळगाव या जिल्‍ह्यांचे डिसेंबर मासापर्यंतचे नूतनीकरण अधिक संख्‍येत शेष असल्‍याने त्‍यांनी त्‍यासाठी तळमळीने प्रयत्न करावेत.
२. साधकांनी ३०.११.२०२३ या दिवसापर्यंत सर्व शेष नूतनीकरण प्राधान्‍याने पूर्ण करावे !
सर्वच जिल्‍ह्यांतील साधकांनी ‘नूतनीकरण मोहिमे’ला प्रथम प्राधान्‍य देऊन शेष नूतनीकरण वर दिलेल्‍या कालावधीतच पूर्ण करावे. प्रत्‍यक्ष नूतनीकरण करतांना ते काही मास अगोदरचे न करता वाचकाच्‍या अंकाची वर्गणी जेव्‍हा संपते, त्‍यानंतरच्‍या पुढील अंकापासूनच होईल, याची दक्षता घ्‍यावी. नूतनीकरणाची सेवा परिपूर्ण करून सच्चिदानंद परब्रह्म गुरूदेवांची कृपा संपादन करता यावी, यासाठी नूतनीकरणाच्‍या अंतर्गत येणार्‍या सर्व सेवा त्रुटीं विरहित आणि भावपूर्ण कराव्‍यात.
भारतभरातील ३,२०७ वाचकांचे सप्‍टेंबर मासापर्यंतचे, तर ७,१७६ वाचकांचे ऑक्‍टोबर, नोव्‍हेंबर आणि डिसेंबर मासांतील नूतनीकरण होणे शेष आहे. यावरून एकूण १०,३८३ वाचकांचे डिसेंबरपर्यंतचे नूतनीकरण शेष असल्‍याचे लक्षात येईल.
(१०.११.२०२३)
साधकांना सूचना : उद्या पौर्णिमा आहे.
वाहन दुरुस्ती करण्याच्या सेवेसाठी आश्रम आणि सेवाकेंद्रे यांमध्ये मनुष्यबळाची आवश्यकता !
पैशांची देवाण-घेवाण, आर्थिक किंवा भूमीचे व्यवहार करणे, तसेच विवाह जुळवणे आदी वैयक्तिक गोष्टी आपल्या जबाबदारीवर कराव्‍यात !
भ्रमणभाषवरून येणार्‍या फसव्या संपर्कापासून सावध रहा आणि आर्थिक हानी टाळा !
त्रासदायक अर्थ असणार्‍या आडनावांतून त्रासदायक स्पंदने प्रक्षेपित होत असल्‍याने अशी आडनावे पालटा !
साधकांनो, अपघातांपासून रक्षण होण्यासाठी प्रतिदिन नामजपादी उपाय करा !