Karimganj Assam Temple Burnt : करीमगंज (आसाम) येथे २०० वर्षे जुन्या मंदिराला अज्ञातांनी लावली आग !

करीमगंज (आसाम) – येथील रतबारी भागातील दामसरा या आदिवासी गावात २०० वर्षे जुन्या मंदिराला अज्ञातांनी आग लावून जाळल्याची घटना ९ नोव्हेंबरच्या रात्री घडली. यामुळे येथे तणाव निर्माण झाला आहे. या मंदिरामध्ये शिव-पार्वती आणि लक्ष्मी-नारायण यांच्या मूर्ती आहेत. या घटनेनंतर येथे अधिक पोलीस दल तैनात करण्यात आले आहे. भूमीच्या वादातून ही घटना घडल्याचे सांगण्यात येत आहे. भाजपने आरोपींना लवकरात लवकर अटक करण्याची मागणी केली आहे.