९ नोव्‍हेंबरपासून चालू होत असलेल्‍या दीपोत्‍सवाच्‍या निमित्ताने…
जीवनाचे सर्वोच्‍च ध्‍येय असलेली आनंदप्राप्‍ती साध्‍य करण्‍यासाठी आपण जीवनप्रवासात विविध माध्‍यमे शोधत आनंद मिळवण्‍याचा प्रयत्न करत असतो. हा आनंद विविध रूपांत आपल्‍याला लाभतोही ! असेच आनंदाचे क्षण देण्‍यासाठी येत असलेले एक दिव्‍य तेजोमय पर्व म्‍हणजे ‘दीपावली’ !
दीपावलीच्‍या अंतर्गत येणार्‍या प्रत्‍येक दिवसाचा आध्‍यात्मिक भावार्थ समजून घेऊन आपण दीपावलीतील प्रत्‍येक दिवशी आध्‍यात्मिक आनंद अनुभवूया. या दीपावलीतील प्रत्‍येक दिवस आपल्‍याला प्रतिदिन पुढच्‍या पुढच्‍या आध्‍यात्मिक टप्‍प्‍याला घेऊन जाणार आहे. त्‍या दृष्‍टीने आपण दिवाळीच्‍या कालावधीत आध्‍यात्मिक स्‍तरावर प्रतिदिन कसे प्रयत्नकरायचे ? याविषयीचे लिखाण देणार आहोत. त्‍याप्रमाणे प्रयत्न करून आपण तेजोनिधी भगवंताची कृपा संपादन करूया.
‘आध्‍यात्मिक दीपोत्‍सव’ साजरा करूया !
दीपावलीला बाह्य दिव्‍यांच्‍या दीपोत्‍सवासहितच आंतरिक गुणदीपांनीही आपले मनमंदिर उजळून टाकूया. आपल्‍या मनरूपी गाभार्‍यातील भगवद़्‍मूर्तीचे दिव्‍य रूप त्‍या दीप प्रकाशात न्‍याहाळूया आणि त्‍याची आराधना करूया. अशा प्रकारे या दीपावलीला ‘आध्‍यात्मिक दीपोत्‍सव’, ‘आध्‍यात्मिक प्रकाशोत्‍सव’ आणि ‘आध्‍यात्मिक आनंदोत्‍सव’ साजरा करूया !
– श्रीसत्‌शक्‍ति (सौ.) बिंदा सिंगबाळ (७.११.२०२३)
सर्वोच्‍च आध्‍यात्मिक इच्‍छेची पूर्ती होण्‍यासाठी वसुबारसच्‍या दिवशी कामधेनूला आळवून तिचे कृपाशीर्वाद प्राप्‍त करूया !
वसुबारसला ‘गोवत्‍स द्वादशी’ असेही म्‍हणतात. या दिवशी गायीची आणि तिच्‍या वासराची कृतज्ञतेने पूजा केली जाते.
वसुबारस म्‍हणजे या दिवशी पृथ्‍वीलोकातील सर्व गायींना विष्‍णुलोकातील गायींचे स्‍वरूप प्राप्‍त होते, म्‍हणजेच ‘तिला देवत्‍व प्राप्‍त होते’, असे आपल्‍या शास्‍त्रांमध्‍ये म्‍हटले आहे. गायीलाच ‘कामधेनू’ असेही म्‍हणतात. कामधेनू ही समस्‍त इच्‍छांची पूर्ती करणारी आहे. साधना करणार्‍या जिवांसाठी ‘साधना आणि ईश्‍वरप्राप्‍ती’ हेच प्राधान्‍य असते आणि हेच त्‍याच्‍या जीवनाचे सर्वोच्‍च ध्‍येयही असते. ‘ईश्‍वरप्राप्‍ती’ या आपल्‍या सर्वोच्‍च आध्‍यात्मिक इच्‍छेची पूर्ती होण्‍यासाठी आपण सर्वांनी वसुबारसच्‍या दिवशी कामधेनूला, गोमातेला आळवूया आणि तिचे कृपाशीर्वाद प्राप्‍त करूया !
– श्रीसत्‌शक्‍ति (सौ.) बिंदा सिंगबाळ ( ७.११.२०२३)
परात्पर गुरु डॉ. आठवले यांनी हिंदुत्वनिष्ठांना केलेले अमूल्य मार्गदर्शन
अक्षय्य तृतीयेला ‘सत्पात्रे दान’ करून ‘अक्षय्य दाना’चे फळ मिळवा !
सच्चिदानंद परब्रह्म डॉ. आठवले यांच्यावर दृढ श्रद्धा ठेवून स्वतःच्या तिन्ही मुलांना पूर्णवेळ साधना करण्‍यासाठी प्रोत्साहन देणार्या आणि स्वतःही पूर्णवेळ साधना करणार्‍या श्रीमती संध्या बधाले (वय ५० वर्षे) !
श्रीसत्‌शक्‍ति (सौ.) बिंदा नीलेश सिंगबाळ यांच्या प्रती दृढ श्रद्धा ठेवून व्यष्टी साधनेचे प्रयत्न भावपूर्णरित्या करून अल्पावधीतच ६१ टक्के आध्‍यात्मिक पातळी गाठलेल्या रामनाथी (गोवा) येथील सनातनच्या आश्रमातील सौ. राधा घनश्याम गावडे (वय ५० वर्षे) !
साधकांनो, ‘व्यष्टी साधनेचे प्रयत्न चांगले केल्यास समष्टी साधनाही चांगली होते’, हे लक्षात घेऊन व्यष्टी साधनेचे प्रयत्न वाढवा !
घरात चोरी होऊनही गुरूंवरील दृढ श्रद्धेमुळे त्‍या प्रसंगाला शांतपणे सामोरे जाणारे जळगाव येथील ६१ टक्के आध्‍यात्मिक पातळीचे श्री. भिकन मराठे (वय ४५ वर्षे)!