अमेरिका इस्रायलच्या समवेत आहे, हे जगाला दाखवायचे होते ! – जो बायडेन

अमेरिकेचे राष्ट्राध्यक्ष जो बायडेन इस्रायलच्या दौर्‍यावर !

तेल अविव (इस्रायल) – मला स्वतः येथे येऊन दाखवायचे होते की, आम्ही इस्रायलसमवेत आहोत. हमासने इस्रायलच्या लोकांची निर्घृण हत्या केली आहे. ते इस्लामिक स्टेटपेक्षा वाईट आहेत. इस्रायलला स्वतःचा बचाव करण्याचा पूर्ण अधिकार आहे. यासाठी अमेरिका त्याला सर्वतोपरी साथ देईल. आम्ही आमचे वचन पाळत आहोत, अशा शब्दांत इस्रायलमध्ये पोचलेले अमेरिकेचे राष्ट्राध्यक्ष जो बायडेन यांनी इस्रायलला पाठिंबा दिला. बायडेन यांनी इस्रायलचे पंतप्रधान बेंजामिन नेतान्याहू यांची भेट घेतली.

#WATCH | Israel | In Tel Aviv, US President Joe Biden says, “…Terrorist group Hamas has slaughtered over 1300 people…including 31 Americans. They have taken scores of people hostage, including children…They have committed atrocities that make ISIS look somewhat more… pic.twitter.com/yJVZG2bam9

— ANI (@ANI) October 18, 2023

नेतान्याहून म्हणाले की, हमासने एका दिवसात १ सहस्र ४०० हून अधिक इस्रायली नागरिकांची हत्या केली. इस्रायलसाठी सध्या चांगली गोष्ट म्हणजे त्याचा खरा मित्र अमेरिका त्याच्या पाठीशी उभा आहे.

#WATCH | Israel | In Tel Aviv, Israel PM Benjamin Netanyahu says, “For the people of Israel, there is only one thing better than having a true friend like you standing with Israel and that is having you standing in Israel. Your visit here is the visit of an American President in… pic.twitter.com/e6LBaBnBUC

— ANI (@ANI) October 18, 2023

रुग्णालयावरील आक्रमण हे इस्रायलचे काम नाही ! – जो बायडेन

पत्रकारांनी बायडेन यांना गाझा शहरातील रुग्णालयावरील आक्रमणाविषयी विचारणा केल्यावर ते म्हणाले की, माझ्या माहितीनुसार हे काम इस्रायलचे नसून दुसर्‍याचे आहे; मात्र असे अनेक लोक आहेत, ज्यांना यावर विश्‍वास बसत नाही.