सामाजिक माध्यम ‘एक्स’कडून (पूर्वीच्या ट्विटरकडून) हमासशी संबंधित शेकडो खाती बंद !

आतंकवादी संघटनांना ‘एक्स’वर स्थान नसल्याची स्पष्टोक्ती !

नवी देहली – सामाजिक माध्यम ‘एक्स’ने त्याच्या माध्यमावर असणारी हमासशी संबंधित शेकडो खाती बंद केली. ‘आतंकवादी संघटना आणि फुटिरतावादी यांच्यासाठी ‘एक्स’वर कोणतेही स्थान नाही’, असे एक्सकडून स्पष्ट करण्यात आले.

एक्सच्या मुख्य कार्यकारी अधिकारी लिंडा याकारिनो यांनी म्हटले की, एक्स लोकांच्या सेवेसाठी कटीबद्ध आहे. सध्याचा काळ महत्त्वाचा आहे. आमच्या माध्यमावर प्रसारित केला जाणारा अवैध आणि चुकीचा मजकूर यांमुळे काय होऊ शकते ?, हे आम्हाला ठाऊक आहे. आतापर्यंत अशी शेकडो खाती बंद करण्यात आली असून ही प्रक्रिया यापुढेही चालू रहाणार आहे.