खलिस्तानी आतंकवादी अर्श डल्ला याच्या २ साथीदारांना देहलीत अटक

नवी देहली – देहली पोलिसांनी खलिस्तानी आतंकवादी अर्श डल्लाच्या  जवळच्या २ साथीदारांना येथे अटक केली. हे दोघे आरोपी पंजाबमध्ये मोठा घातपात घडवण्याच्या सिद्धतेत होते. पोलिसांनी त्यांच्याकडून शस्त्रे आणि हातबाँब जप्त केले आहेत.

खलिस्तानी आतंकवादी अर्श डल्ला याचा ‘लष्कर-ए-तोयबा’ आणि ‘इस्लामिक स्टेट’ या आतंकवादी संघटनांशी संबंध असल्याचे पोलिसांनी सांगितले. अर्श डल्ला याचा जन्म पंजाबमधील मोगा जिल्ह्यातील डल्ला गावात झाला. कॅनडामध्ये राहून तो टोळी चालवत असून पंजाबमधील अनेक गुन्हेगारी घटनांमध्ये त्याचा हात आहे.