अनंतचतुर्दशीच्या निमित्ताने सलग ९ वर्षे कराड येथील कृष्णा घाटावर महाप्रसादाचे आयोजन !

कराड – अनंतचतुर्दशीनिमित्त येथील कृष्णा नदीच्या घाटावर प्रीतीसंगम बागेसमोर सलग ९ व्या वर्षी महाप्रसादाचे आयोजन करण्यात आले होते. १९ घंटे चालू असलेला महाप्रसाद घेण्यासाठी भाविकांनी मोठी गर्दी केली होती. अनुमाने ५५ सहस्रांहून अधिक श्री गणेशभक्तांनी या महाप्रसादाचा लाभ घेतला असल्याचे आयोजकांनी सांगितले.

वर्ष २०१५ पासून कृष्णा नदीच्या घाटावर अनंतचतुर्दशीला रणजित पाटील आणि सचिन पाटील बंधूंकडून भाविकांसाठी महाप्रसादाचे आयोजन करण्यात येते. २८ सप्टेंबर या दिवशी सकाळी १० वाजता खासदार श्रीनिवास पाटील आणि माजी आमदार आनंदराव पाटील यांच्या उपस्थितीत महाप्रसादाला प्रारंभ झाला. नंतर सलग १९ घंटे महाप्रसाद चालू होता.