सनातन प्रभात > Location > आशिया > भारत > उत्तर प्रदेश > देवरिया (उत्तरप्रदेश) येथे भूमीच्या वादातून एकाच कुटुंबातील ५ जणांसह ६ जणांची हत्या

देवरिया (उत्तरप्रदेश) येथे भूमीच्या वादातून एकाच कुटुंबातील ५ जणांसह ६ जणांची हत्या

देवरिया (उत्तर प्रदेश) – येथे एका घरात घुसून एकाच कुटुंबातील पती-पत्नी, २ मुली आणि एक मुलगा यांचे गळे कापून नंतर त्यांच्यावर गोळ्या झाडून त्यांची अत्यंत निर्घृणपणे हत्या करण्यात आली. या कुटुंबातील ८ वर्षांचा मुलगा यात गंभीररित्या घायाळ झाला आहे. त्याच्यावर रुग्णालयात उपचार चालू आहेत. हे हत्याकांड भूमीच्या वादातून झाल्याचे सांगितले जात आहे. पोलिसांनी याप्रकरणी दोघांना अटक केली आहे.

पोलिसांचे म्हणणे आहे की, सकाळी प्रेम यादव हे सत्यप्रकाश दुबे यांच्या घरी आले असता त्यांच्यात बाचाबाची आणि हाणामारी झाली. यामध्ये प्रेम यादव यांचा मृत्यू झाला. काही वेळाने प्रेम यादव यांच्या समर्थकांनी सत्यप्रकाश दुबे यांच्या घरावर आक्रमण करून त्यांच्यासह कुटुंबियांना ठार केले. लोकांचे म्हणणे आहे की, ‘प्रेम यादव यांची हत्या कुणी केली ?’, हे अद्याप स्पष्ट झालेले नाही; मात्र सत्यप्रकाश याने गुन्हा केला असता, तर तो कुटुंबासह घरात का राहिला असता ?

नूतन लेख