स्थानिक पोलीस आणि आतंकवादविराेधी पथक यांनी केली चौकशी !
कणकवली – सामाजिक माध्यमाद्वारे पाकिस्तानच्या स्वातंत्र्यदिनाच्या शुभेच्छा देण्यासह हिंदु देवतेची अपकीर्ती केल्याच्या प्रकरणी पोलिसांनी तालुक्यातील अल्पसंख्य समाजातील एका युवतीवर गुन्हा नोंद केला आहे.
या युवतीची एक मैत्रिण पाकिस्तानमध्ये रहाते. १४ ऑगस्ट या दिवशी पाकिस्तानचा स्वातंत्र्यदिन असल्याने या युवतीने तिच्या मैत्रिणीला ‘इन्स्टाग्राम’ या सामाजिक माध्यमावर शुभेच्छा दिल्या होत्या, तसेच हिंदूंच्या एका देवतेची अपकीर्ती केली होती. याविषयी समजल्यावर भाजपचे आमदार नितेश राणे यांच्यासह भाजपच्या पदाधिकार्‍यांनी येथील पोलीस ठाण्यात जाऊन संबंधित युवतीवर कारवाईची मागणी केली होती. त्यानुसार स्थानिक पोलीस आणि आतंकवादविरोधी पथक यांनी ही युवती आणि तिच्या कुटुंबियांची चौकशी केली होती. या वेळी युवतीने पाठवलेल्या संदेशाची खात्री करून पाकिस्तानच्या स्वातंत्र्यदिनाच्या शुभेच्छा देणारा संदेश प्रसारित करणे आणि हिंदु देवतांची अपकीर्ती करून धार्मिक भावना दुखावणे अन् सामाजिक तेढ निर्माण करणे, या प्रकरणी युवतीवर गुन्हा नोंद करण्यात आल्याची माहिती कणकवली पोलीस निरीक्षक अमित यादव यांनी दिली.
‘व्होट जिहाद’ला हिंदूंचे जोरदार प्रत्युत्तर; महाराष्ट्रात महायुतीला स्पष्ट बहुमत !
नागपूर येथे हवेच्या प्रदूषणात वाढ !
मुंबई-होस्पेट एक्सप्रेसमध्ये बाँबच्या अफवेने दौंड रेल्वेस्थानकात रेल्वे थांबवून दीड घंटा पडताळणी !
मतदारसूचीमध्ये मृत म्हणून नोंद असलेल्या आजींनी मतदानाचा हक्क बजावला !
अहिल्यानगर येथे एस्.टी. बसमधील शेवटच्या आसनाखाली नोटांचे बंडल सापडले !
भाजपच्या आमदार फोडाफोडीमुळे आमदारांना स्थलांतरित करण्याची सिद्धता चालू ! – नाना पटोले, प्रदेशाध्यक्ष, काँग्रेस