सनातन प्रभात > Location > आशिया > भारत > राजस्थान > प्रतापगड (राजस्थान) येथे पतीनेच गर्भवती पत्नीला निर्वस्त्र करून गावकर्‍यांसमोर १ किलोमीटर पळायला लावले !

प्रतापगड (राजस्थान) येथे पतीनेच गर्भवती पत्नीला निर्वस्त्र करून गावकर्‍यांसमोर १ किलोमीटर पळायला लावले !

पीडित महिला १ वर्षांपूर्वी एका तरुणाने अपहरण केल्यानंतर परतली होती !  

प्रतापगड (राजस्थान) – येथील धारियावाड भागात एका गर्भवती महिलेला तिच्या पतीनेच निर्वस्त्र करून गावकर्‍यांसमोर १ कि.मी. पळायला लावले. या वेळी महिला साहाय्यासाठी ओरडत होती; मात्र तिला कुणीही साहाय्य केले नाही. पीडित महिला ६ मासांची गर्भवती आहे. ३१ ऑगस्टला घडलेल्या या घटनेचा व्हिडिओ सामाजिक माध्यमांत आता प्रसारित झाल्यामुळे ही घटना उघडकीस आली. महिलेने पोलिसांत तक्रार प्रविष्ट केल्यानंतर पोलिसांनी १४ जणांविरुद्ध गुन्हा नोंदवून पती आणि अन्य २ जण यांना अटक केली आहे.

महिलेचा विवाह या गावातील तरुणाशी दीड वर्षांपूर्वी झाला होता. लग्नानंतर ६ मासांनी तिला शेजारच्या उपला कोटा गावातील एका तरुणाने पळवून नेले होते. ३० ऑगस्ट या दिवशी ही महिला वर्षभरानंतर तरुणासमवेत परतली, तेव्हा तिच्या सासरच्यांनी तिला बलपूर्वक पहाडा गावात आणले. यानंतर पतीने वरील कृत्य केले.

संपादकीय भूमिका

  • मणीपूर येथील महिलांना निर्वस्त्र केल्याच्या घटनेवरून टीका करणारी काँग्रेस स्वतःच्या राज्यात घडणार्‍या अशा घटनांविषयी मौन बाळगते, हे लक्षात घ्या !
  • भारतात अशा घटना घडणे भारतियांसाठी लज्जास्पद ! संबंधितांना कठोर शिक्षा झाल्यास इतरांवर याविषयी वचक बसेल !

नूतन लेख