भिवंडी येथे सख्ख्या भावाकडून अल्पवयीन बहिणीवर बलात्कार !

भाऊ-बहीण यांच्या नात्याला काळीमा फासणारी घटना !

ठाणे, ३० ऑगस्ट (वार्ता.) – भिवंडी येथील कोनगाव पोलीस ठाण्याच्या सीमेत १८ वर्षीय भावाने १५ वर्षीय सख्ख्या बहिणीवर रहात्या घरी बलात्कार केल्याची घटना रक्षाबंधन सणाच्या पूर्वसंध्येला उघड झाली. त्या वेळी आई-वडील कामानिमित्त बाहेर गेले होते. या प्रकरणी आरोपीविरुद्ध ‘पॉक्सो’ कायद्यान्वये गुन्हा नोंदवून त्याला अटक करण्यात आली आहे.

घडलेल्या घटनेमुळे भयभीत झाल्याने मुलीने याविषयी वाच्यता केली नाही. त्यामुळे आरोपी भावाने तिच्यावर वारंवार बलात्कार केला. एक दिवस पीडितेला पोटदुखीचा त्रास होत असल्याने शासकीय रुग्णालयात भरती करण्यात आले होते. त्या वेळी ती गभर्वती असल्याचे समजले.