(म्हणे) ‘हिंदु धर्म म्हणजे मागासवर्गीय, आदिवासी आणि दलित यांना जाळ्यात अडकवण्याचे षड्यंत्र !’-स्वामी प्रसाद मौर्य

समाजवादी पक्षाचे राष्ट्रीय सरचिटणीस स्वामी प्रसाद मौर्य यांचे हिंदुद्वेषी विधान !

लक्ष्मणपुरी (उत्तरप्रदेश) – ब्राह्मणवादाची मुळे फार खोलवर रूजली आहेत. ब्राह्मण धर्मालाच ‘हिंदु धर्म’ म्हटले जात आहे. हिंदु धर्म म्हणजे मागासवर्गीय, आदिवासी आणि दलित यांना जाळ्यात अडकवण्याचे षड्यंत्र आहे. जर हिंदु एक धर्म असता, तर त्यात दलित आणि मागसवर्गीय यांनाही सन्मान मिळाला असता, असे विधान समाजवादी पक्षाचे राष्ट्रीय सरचिटणीस स्वामी प्रसाद मौर्य यांनी केले.

ब्राह्मणवाद की जड़े बहुत गहरी है और सारी विषमता का कारण भी ब्राह्मणवाद ही है। हिंदू नाम का कोई धर्म है ही नहीं, हिंदू धर्म केवल धोखा है। सही मायने में जो ब्राह्मण धर्म है, उसी ब्राह्मण धर्म को हिंदू धर्म कहकर के इस देश के दलितों, आदिवासियों, पिछड़ों को अपने धर्म के मकड़जाल में… pic.twitter.com/351EJeSBlY

— Swami Prasad Maurya (@SwamiPMaurya) August 27, 2023

(देशात आदिवासी, दलित आणि मागासवर्गियांना सरपंचांपासून ते अगदी राष्ट्रपतींपर्यंत पदे मिळाली आहेत,  त्याविषयी ते बोलत का नाहीत ? कि त्यांना त्याविषयी बोलणे अडचणीचे वाटते ? समाजात तेढ निर्माण करणार्‍या अशा लोकांविरुद्ध सरकारने गुन्हा नोंदवून त्यांना कारागृहात टाकणेच आवश्यक आहे ! – संपादक)
मौर्य पुढे म्हणाले की, आम्ही वेड्यासारखे हिंदु धर्मासाठी मेलो; मात्र ब्राह्मणवादी व्यवस्थेचे चालक आम्हाला ‘आदिवासी’ समजतात. भारताचे माजी राष्ट्रपती रामनाथ कोविंद यांना दलित असल्याकारणाने त्यांना मंदिरात जाण्यापासून रोखण्यात आले होते, असा आरोप त्यांनी केला.