उपमुख्‍यमंत्री अजित पवार आणि शरद पवार यांची भेट झाल्‍याची माहिती नाही ! – देवेंद्र फडणवीस, उपमुख्‍यमंत्री

संभाजीनगर – राज्‍याचे उपमुख्‍यमंत्री अजित पवार आणि राष्‍ट्रवादी काँग्रेसचे अध्‍यक्ष शरद पवार यांच्‍या भेटीविषयी मला काहीही ठाऊक नाही. त्‍यांची भेट झाली, अथवा नाही किंवा किती वेळ झाली ? या संदर्भात कुठलीही माहिती माझ्‍याकडे नाही. मंत्रीमंडळाचा विस्‍तार उद्या होणार असण्‍याविषयी मला काहीही ठाऊक नाही. जर उद्या असेल, तर नक्‍की कळवतो, अशी माहिती उपमुख्‍यमंत्री देवेंद्र फडणवीस यांनी १३ ऑगस्‍ट या दिवशी येथील चिखलठाणा विमानतळावर पत्रकारांशी बोलतांना दिली. राज्‍याचे उपमुख्‍यमंत्री अजित पवार यांनी राष्‍ट्रवादी काँग्रेसचे अध्‍यक्ष शरद पवार यांची नुकतीच गुप्‍त भेट घेतल्‍याची सर्वत्र चर्चा चालू झाली आहे. यावरून अनेक राजकीय प्रतिक्रिया उमटत आहेत.