सनातन प्रभात > Location > आशिया > भारत > महाराष्ट्र > खडके (जिल्हा जळगाव) येथील शासकीय वसतीगृहातील अल्पवयीन ५ मुलींच्यावर लैंगिक अत्याचार प्रकरणी ३ जणांना अटक !

खडके (जिल्हा जळगाव) येथील शासकीय वसतीगृहातील अल्पवयीन ५ मुलींच्यावर लैंगिक अत्याचार प्रकरणी ३ जणांना अटक !

विधान परिेषदेत पडसाद !

मुंबई, २७ जुलै (वार्ता.) – जळगाव जिल्ह्यातील एरंडोल तालुक्यातील खडके गावातील मुलींच्या वसतीगृहातील ५ अल्पवयीन मुलींवर वसतीगृहातील काळजीवाहकाने लैंगिक अत्याचार केला आहे. या घटनेची चौकशी करून दोषींवर कठोर कारवाई करावी, अशी मागणी राष्ट्रवादी काँग्रेसचे आमदार एकनाथ खडसे यांनी २७ जुलै या दिवशी विधान परिषदेत केली. याला उत्तर देतांना मंत्री गिरीश महाजन म्हणाले की, या प्रकरणातील ३ आरोपींना २६ जुलै या दिवशी अटक करण्यात आली आहे. त्या सर्वांवर पोस्का, ॲट्रासिटीसह विविध कडक कलमे लावून कारवाई करण्यात येईल.

एकनाथ खडसे म्हणाले की, आरोपी लैंगिक अत्याचार करत असल्याची माहिती पीडित मुलींनी वेळोवेळी संस्थेचे अधीक्षक आणि सचिव यांना दिली असतांनाही त्यांनी ही माहिती लपवून ठेवली. विशेष गोष्ट म्हणून याविषयी चर्चा करावी.

मंत्री गिरीश महाजन म्हणाले की, पीडित ५ मुलींनी तक्रारी केल्या आहेत. आरोपी, त्यांची पत्नी आणि वसतीगृहाच्या अधीक्षक अरुणा पंडित आणि सचिव भिवाजी पाटील यांचाही यामध्ये सहभाग आहे.

नूतन लेख