आजारांना दूर ठेवण्यासाठी ‘योग’ हा रामबाण उपाय ! – मुख्यमंत्री फडणवीस

मुंबई – जीवनशैलीमध्ये झालेल्या पालटांमुळे सध्या आजारांचे प्रमाण वाढले आहे. या आजारांना दूर ठेवण्यासाठी योग हा रामबाण उपाय आहे. त्यामुळे नियमित योग करून जीवनशैलीविषयीच्या आजारांना दूर ठेवले पाहिजे, अशा शब्दांमध्ये मुख्यमंत्री देवेंद्र फडणवीस यांनी योगाचे महत्त्व अधोरेखित केले. जुहू बीचवरील फूड कोर्ट जवळ आयोजित १२ व्या ‘जागतिक योग दिना’च्या कार्यक्रमानिमित्त मुख्यमंत्री फडणवीस बोलत होते.

ते म्हणाले, ‘‘सातत्याने योग करणारी व्यक्ती कुठल्याही मानसिक परिस्थितीमध्ये असली, तरी आलेल्या आव्हानांचा ती यशस्वीपणे सामना करू शकते. त्यामुळे योग विद्येचा प्रचार-प्रसार केला पाहिजे. नियमितपणे योग करून आपण आपले शरीर निरोगी आणि मन प्रसन्न ठेवूया.’’