सर्व शासकीय कार्यालये आणि शाळा यांमध्ये छत्रपती संभाजी महाराज यांची प्रतिमा लावण्यात यावी !- रवींद्र धंगेकर, आमदार, काँग्रेस

मुंबई, २६ जुलै (वार्ता.) – छत्रपती संभाजी महाराज यांचे स्वराज्य स्थापनेतील योगदान महत्त्वाचे आहे. त्यामुळे छत्रपती संभाजी महाराज यांचा राष्ट्रपुरुषांच्या सूचीत समावेश करावा, तसेच शाळा आणि सर्व शासकीय कार्यालये यांमध्ये त्यांची प्रतिमा लावण्यात यावी. सर्व शासकीय संकेतस्थळांवरही छत्रपती संभाजी महाराज यांची प्रतिमा ठेवण्यात यावी. ही मागणी अखिल भारतीय मराठा संघाकडून करण्यात आली आहे, अशी असे पुण्यामधील कसबा येथील काँग्रेसचे आमदार रवींद्र धंगेकर यांनी २६ जुलै या दिवशी औचित्याच्या सूत्राद्वारे विधानसभेत सांगितले.