सांगलीमध्ये राष्ट्रवादी काँग्रेसच्या कार्यकर्त्याची गोळ्या झाडून निर्घृण हत्या !

सांगली – शहरातील राष्ट्रवादी काँग्रेसचे कार्यकर्ता नालसाब मुल्ला यांची ८ गोळ्या झाडून धारदार शस्त्रांनी वार करत निर्घृण हत्या केली. रात्री ८.३० वाजता ते घराबाहेर बसलेले असतांना वरील प्रकार घडला. नालसाब मुल्ला यांचा ‘बाबा’ नावाने समूह आहे. या भागात त्यांची दहशत होती. भाजपच्या नेत्या नीता केळकर यांचे ते कट्टर कार्यकर्ते होते. सध्या जयंत पाटील यांच्या नेतृत्वाखाली सक्रिय होते. नालसाब मुल्ला यांची पार्श्वभूमी गुन्हेगारी स्वरूपाची होती. त्यांच्या विरोधात गंभीर गुन्हे नोंद होते.