युनायटेड किंगडममध्ये भारतीय वंशाच्या युवकाला बलात्काराच्या प्रकरणात ६ वर्षांचा कारावास !

लंडन (युनायटेड किंगडम) – वेल्समध्ये गेल्या वर्षी भारतीय वंशाच्या एका २० वर्षीय युवकाने एका मद्यधुंद महिलेवर बलात्कार केला होता. सीसीटीव्हीच्या चित्रीकरणावरून त्याची ओळख पटवण्यात येऊन पोलिसांनी त्याला अटक केली. त्याने त्याच्या गुन्ह्याची स्वीकृती दिल्यानंतर चाललेल्या खटल्यामध्ये त्याला ६ वर्षांच्या कारावासाची शिक्षा सुनावण्यात आली आहे. गुन्हेगाराचे नाव प्रीत विकल असून तो अभियांत्रिकीचे शिक्षण घेत होता.