नगर – महाराष्ट्रातल्या कोल्हापूर, नाशिक, मुंबई, ठाणे, नगर या जिल्ह्यांतील वेगवेगळी १२ लव्ह जिहादची प्रकरणे माझ्याकडे आली आहेत. नगर येथील एकूण ७ प्रकरणे माझ्याकडे आली आहेत. याविषयी मुख्यमंत्री एकनाथ शिंदे, उपमुख्यमंत्री देवेंद्र फडणवीस यांची आपण भेट घेणार आहोत. अशा तक्रारी आल्यानंतर पोलिसांनीही अधिक संवेदनशीलता दाखवावी. वेळ पडल्यास केंद्रीय गृह मंत्रालयाशीही मी चर्चा करणार, अशी माहिती भाजपचे माजी खासदार किरीट सोमय्या यांनी दिली. नगर येथील लव्ह जिहाद प्रकरणातील पीडित कुटुंबियांची सोमय्या यांनी नुकतीच जिल्हाधिकारी कार्यालयात भेट घेऊन जिल्हाधिकार्यांसह पोलीस अधिकार्यांशी संयुक्त चर्चा केली. त्यानंतर आयोजित पत्रकार परिषदेत ते बोलत होते.
सोमय्या पुढे म्हणाले की,
१. सामाजिक माध्यमांचा वापर करून लव्ह जिहादचे प्रकार महाराष्ट्रात घडत आहेत. गेल्या ३ वर्षांत महाराष्ट्रात बेपत्ता असलेल्या महिलांची सूची काढण्याविषयीही आपण गृहमंत्री देवेंद्र फडवणीस यांची भेट घेणार आहोत.
२. नगर जिल्ह्यात झालेल्या जातीय तणावाच्या पार्श्वभूमीवर ते म्हणाले की, पूर्वी सत्तेत असलेल्यांनी असामाजिक तत्त्वांना बळ देण्याचे काम केले होते. त्यात पोलिसांचेही दुर्लक्ष झाले होते. तत्कालीन सरकारमधील मुख्यमंत्री उद्धव ठाकरे यांनी भगवा सोडून हिरवा रंग हाती घेतला. त्यामुळे ही संपूर्ण प्रकरणे दाबली गेली.
३. लव्ह जिहाद प्रकरणात वेळ पडल्यास केंद्रीय कायदामंत्री यांच्याशीही चर्चा केली जाणार आहे. याविषयी केंद्रीय गृह मंत्रालयाच्या सर्व राज्यांची परिषद घेऊन चौकशी करण्याची मागणी आपण करणार असल्याचे सोमय्या यांनी सांगितले.
फर्मागुढी (गोवा) येथील आयआयटी संकुलात बाँब ठेवल्याचा खोटा संदेश
नोकरी घोटाळा प्रकरणी चौकशीसाठी निवृत्त न्यायमूर्तींच्या अध्यक्षतेखाली आयोग नेमा ! – काँग्रेस
संपादकीय : मुंबईतील हिंदूंचे अस्तित्व धोक्यात !
पुणे येथील ‘सवाई गंधर्व भीमसेन महोत्सवा’साठी ध्वनीक्षेपकाची अनुमती
कोल्हापूर जिल्ह्यात गृह मतदानाला प्रारंभ !
पन्हाळा गडावर ‘एक दिवस छत्रपती शिवरायांच्या सान्निध्यात’ ही मोहीम शौर्यपूर्ण वातावरणात पार पडली !