श्रीरामाचे दर्शन घेण्‍यासाठी मुख्‍यमंत्री एकनाथ शिंदे अयोध्‍येला जाणार !

मुंबई, ३० मार्च (वार्ता.) – प्रभु श्रीरामाचे दर्शन घेण्‍यासाठी मुख्‍यमंत्री एकनाथ शिंदे लवकरच अयोध्‍येला जाणार आहेत. श्रीरामनवमीच्‍या निमित्ताने राज्‍यातील जनतेला शुभेच्‍छा देतांना मुख्‍यमंत्र्यांनी स्‍वत: ही माहिती दिली आहे. श्रीरामाने जीवनभर सत्‍य आणि धर्म यांचे आचरण केले. ही शिकवण सर्व मानवजातीला प्रेरणा देणारी आहे, असे मुख्‍यमंत्र्यांनी संदेशात म्‍हटले आहे.