बृहन्मुंबई महानगरपालिका वार्ताहर संघाच्या अध्यक्षपदी मारुति मोरे

मुंबई – बृहन्मुंबई महानगरपालिका वार्ताहर संघाच्या वर्ष २०२३-२५ या द्विवार्षिक कार्यकाळासाठी अध्यक्ष म्हणून दैनिक ‘आपलं महानगर’चे प्रतिनिधी श्री. मारुति मोरे यांची बिनविरोध निवड करण्यात आली. मुंबई महापालिका पत्रकार कक्षात ही निवडणूक पार पडली.

श्री. मारुति मोरे हे मुंबई महापालिका मुख्यालयात गेल्या २२ वर्षांपासून वृत्तसंकलन करीत आहेत. त्यांचे माजी महापौर, सर्वपक्षीय गटनेते, नगरसेवक, अधिकारी वर्ग यांच्याशी चांगले संबंध आहेत. त्यांच्या प्रेमळ, मनमिळावू, सहकार्यासाठी तत्पर या वृत्तीमुळे वार्ताहर संघातील बहुतांश पत्रकारांनी त्यांना अध्यक्षपदासाठी निवडणूक लढवण्याची विनंती स्वतःहून केली.

या निवडणुकीत उपाध्यक्षपदी श्री. सचिन धानजी (हिंदुस्थान पोस्ट), श्री. दिनेश सिंह (दैनिक हमारा महानगर), सरचिटणीसपदी श्री. राजेश सावंत (दैनिक पुढारी), सहचिटणीसपदी श्री. अजय जाधव ( ई टीव्ही भारत) आणि श्री. हेमंत साटम (दैनिक महाराष्ट्र टाइम्स) यांचीही बिनविरोध निवड करण्यात आली.