पुणे – पुणे महापालिकेने समान पाणीपुरवठा योजनेअंतर्गत घरोघरी मीटर बसवल्‍यानंतर पाण्‍याचा वापर किती होतो, हे प्रतिमासाला स्‍पष्‍ट होत आहे. प्रतिव्‍यक्‍ती १५० लिटरपेक्षा अधिक पाणी वापरले जात असल्‍याने आतापर्यंत अशा ४ सहस्र ६०० ग्राहकांना पाणी वापर अल्‍प न केल्‍यास कारवाईची चेतावणी देण्‍यात आली आहे. शहरात असमान पाणीपुरवठा होत असून काही भागांत दिवसभर, तर काहींना अवघे २ घंटे पाणी उपलब्‍ध होते. शहरातील पाणी वितरणाची व्‍यवस्‍था सुधारण्‍यासाठी २ सहस्र १०० कोटी रुपये व्‍यय करून समान पाणीपुरवठा योजनेचे काम चालू केले आहे. ३ वर्षांत या योजनेचे अनुमाने ६५ टक्‍के काम पूर्ण झाले आहे. पुढील वर्षभरात महापालिकेला ही योजना पूर्ण करण्‍याचे आव्‍हान आहे. पाणीपुरवठा विभागाला प्रतीमाणसी १५० लिटरपेक्षा अधिक पाणी वापर होत असल्‍याचे ८ सहस्र ग्राहक आढळून आले आहेत. त्‍यापैकी ४ सहस्र ६०० जणांना नोटिसा पाठवून ‘पाणी वापर अल्‍प करा, अन्‍यथा कारवाई केली जाईल’, अशी चेतावणी देण्‍यात आली आहे. उर्वरित नागरिकांनाही अशा नोटिसा पाठवल्‍या जाणार आहेत, अशी माहिती अधिकार्‍यांनी दिली.
संपादकीय भूमिकाअतिरिक्त पाणी वापरणार्‍यांना केवळ नोटिसा देऊन न थांबता त्यांचा पुढील पाठपुरावाही करावा ! |
भाजपच्या उमेदवाराच्या बहिणीवर जीवघेणे आक्रमण !
वक्फ कायदा हा असंवैधानिकच ! – संजीव देशपांडे, ज्येष्ठ विधीज्ञ
लाल बसने (‘एस्.टी.’ने) प्रवास करणार्यांच्या संख्येत पुणे विभागात ५० सहस्रांनी वाढ !
चतुर्थीच्या दिवशी लाखो भाविकांनी श्री क्षेत्र ओझर येथील श्री विघ्नहराचे दर्शन घेतले !
आळंदीत कार्तिकी वारीच्या दर्शनबारीसाठी भूमी अधिग्रहण करण्याचा आदेश !
हिंदु असल्याची लाज वाटत असेल, तर शरद पवारांनी ते हिंदु नाहीत, असे सांगावे ! – किरीट सोमय्या