आंदोलनाला वैध मार्गाने विरोध करणार्‍या हिंदुत्वनिष्ठ अधिवक्त्यांना धक्काबुक्की

पू. भिडेगुरुजी यांच्या विधानाच्या निषेधार्थ पुणे येथे महिला अधिवक्त्यांचे आंदोलन

पुणे, ९ नोव्हेंबर (वार्ता.) – येथील शिवाजीनगर जिल्हा सत्र न्यायालयासमोर काही महिला अधिवक्त्यांनी ८ नोव्हेंबर या दिवशी पू. संभाजी भिडेगुरुजींच्या विरोधात हातात फलक घेऊन घोषणा देत आंदोलन केले. पू. भिडेगुरुजींनी काही दिवसांपूर्वी एका महिला पत्रकाराला ‘तिने कुंकू लावले, तरच तिच्याशी बोलीन’, असे वक्तव्य केले होते. या आंदोलनाच्या वेळी पू. भिडेगुरुजींना ‘जातीविरोधी’ आणि ‘मनुवादी’ संबोधण्यात आले. त्यांचा एकेरी नावानेही उल्लेख करण्यात आला. (यातून वयोवृद्ध व्यक्तीचा असा उल्लेख करणार्‍या या तथाकथित ‘सुशिक्षित’ महिला अधिवक्त्यांवर कोणता संस्कार झाला असेल ? हे लक्षात येते ! – संपादक) या वेळी त्यांना हिंदुत्वनिष्ठ अधिवक्ता कपिल राठोड यांनी विरोध करण्याचा प्रयत्न केल्यावर महिला अधिवक्त्यांनी ‘आम्हाला आंदोलन करण्याचा अधिकार आहे’, असे सांगत अधिवक्ता राठोड यांना धक्काबुक्की केली. त्यानंतर पोलिसांनी आंदोलन थांबवले; मात्र आंदोलनकर्त्या महिलांनी राठोड यांना धक्काबुक्की करून, तसेच अटी-शर्तींचा भंग करूनही पोलिसांनी त्यांच्यावर कारवाई केली नाही. (यावरून ‘आंदोलनाला पोलिसांची फूस होती’, असे कुणाला वाटल्यास चूक ते काय ? – संपादक)