समाजातील वादामुळे राजस्थानच्या हिंगलाज माता मंदिरात विनाअनुमती धार्मिक कार्य करण्यास बंदी !

शांततेला बाधा येण्याची शक्यता !

जयपूर (राजस्थान) – राजस्थानच्या बारमेड येथे पोलिसांनी हिंगलाज माता मंदिराच्या प्रशासनाला नोटीस बजावली आहे. यात म्हटले आहे की, विनाअनुमती मंदिरामध्ये कोणत्याही प्रकारचे धार्मिक कार्य करण्याचे आयोजन करण्यात येऊ नये. धार्मिक कार्य करण्यापूर्वी प्रशासनाकडून अनुमती घेण्यात यावी.

राजस्थान पुलिस ने हिंगलाज माता मंदिर में नोटिस देकर बताया है कि वो बिन अनुमति के मंदिर के भीतर किसी प्रकार की धार्मिक गतिविधियों का आयोजन नहीं कर सकते।https://t.co/8e41Au7YjX

— ऑपइंडिया (@OpIndia_in) September 25, 2022

याविषयी भाजपचे माजी खासदार तरुण विजय यांनी ट्वीट करून पोलिसांचे मंदिराला दिलेले पत्रही प्रसारित केले आहे. या पत्रामध्ये ‘मंदिरामध्ये खन्नी समाजातील आपापसांतील गटबाजीच्या वादामुळे शांततेचा भंग होऊ शकतोे. हा वाद जोपर्यंत संपुष्टात येत नाही, तोपर्यंत विनाअनुमती धार्मिक कार्यक्रम करण्यात येऊ नये.’