पुणे – ‘पंतप्रधान आवास योजने’च्या अंतर्गत प्रत्येकाला हक्काचे घर मिळावे, यासाठी पुणे महापालिकेने दुसर्‍या टप्प्यात धानोरी, हडपसर, बाणेर, कोंढवा, बालेवाडी आणि वडगाव खुर्द या भागांत ४ सहस्र १७३ घरे बांधण्याचे नियोजन केले आहे. इच्छुकांची नावनोंदणी चालू केली आहे. शहरातील आर्थिक दुर्बल घटकातील नागरिकांना अल्प व्ययात हक्काचे घर मिळावे, यासाठी केंद्र शासनाने ही योजना चालू केली आहे. या योजनेच्या माध्यमातून पहिल्या टप्प्यात वडगाव बुद्रुक, खराडी, हडपसर या भागांत २ सहस्र ९१८ घरे बांधली. यासाठी नागरिकांकडून अर्ज मागवण्यात आले होते. या अर्जाची छाननी करून शहानिशा करून घराचे वाटप केले आहे. पहिल्या टप्प्यानंतर पंतप्रधान मोदी यांनी ‘पंतप्रधान आवास योजना-२’ची घोषणा केली. आता ऑनलाईन पद्धतीने नावनोंदणी चालू झाली आहे.
शहर अभियंता प्रशांत वाघमारे म्हणाले की, महापालिकेच्या जागेवर घरे बांधल्याने भूमीचा खर्च अल्प येतो. त्यामुळे अल्प खर्चात घरे देणे शक्य होते. या योजनेला प्रचंड प्रतिसाद मिळेल आणि आर्थिक दुर्बल घटकातील लोकांच्या घराचे स्वप्न पूर्ण होईल.
दिवसभरातील घडामोडींवर एक दृष्टीक्षेप : ‘टोरेस’ आस्थापनातील तिघांना अटक !; अर्धवट जळलेल्या मृतदेहाचे तुकडे कुत्र्यांनी खाल्ल्याचा आरोप !…
सावित्रीबाई फुलेंच्या चरित्र ग्रंथातील फातिमा शेख हे पात्र इतिहासात कधीच नव्हते ! – दिलीप मंडल, सल्लागार, माहिती प्रसारण मंत्रालय, केंद्र सरकार
कपडे पालटणार्या विद्यार्थिनींचे चित्रीकरण करण्याचा प्रयत्न !
बाजार समित्यांची उपयुक्तता संपल्याने शासनाने त्या विसर्जित कराव्यात ! – मोहन गुरनानी, सभापती, महाराष्ट्र उद्योग आणि व्यापार संघटना चेंबर
पुणे येथे ‘सारथी योजने’त घोटाळा !
उल्हासनगर येथील शासकीय निरीक्षणगृहातून ८ मुलींचे पलायन !