आमदार टी. राजासिंह यांना सशस्त्र सुरक्षा पुरवण्यात यावी !

हिंदु जनजागृती समिती आणि हिंदुत्वनिष्ठ संघटना यांचे जिल्हा प्रशासनाकडे निवेदन

सोलापूर, ५ सप्टेंबर (वार्ता.) – गोशामहल (तेलंगाणा) येथील आमदार टी. राजासिंह यांना तात्काळ सशस्त्र सुरक्षा पुरवण्यात यावी, तसेच त्यांना जिवे मारणार्‍यांवर कठोर कावाई करावी, या मागणीचे निवेदन जिल्हाधिकारी कार्यालयात देण्यात आले. हिंदु राष्ट्र सेना आणि हिंदु जनजागृती समिती यांच्या वतीने हे निवेदन देण्यात आले. निवासी उपजिल्हाधिकारी शमा पवार यांनी निवेदन स्वीकारले.

या वेळी हिंदुराष्ट्र सेनेचे शहर प्रमुख रवि गोणे, उपशहर प्रमुख विलास पोतु, अखंड भारत रामराज्य संघटनेचे अर्जुन शिवसिंगवाले, गुलजासिंग शिवसिंगवाले, सुरज मदनावाले, घन:श्यामसिंग शिवसिंगवाले, राजन शिवसिंगवाले, हिंदु जनजागृती समितीचे विनोद रसाळ, संदीप ढगे यांसह मोठ्या संख्येने धर्मप्रेमी उपस्थित होते.