उत्तराखंडमध्ये मुसलमान तरुणाने केली हिंदु मुलीची गळा चिरून हत्या

नैनिताल (उत्तराखंड) – अंजली आर्य या हिंदु मुलीचे बेपत्ता होण्याचे गूढ उकलतांना उत्तराखंडच्या नैनिताल पोलिसांनी तिचा प्रियकर महंमद यामीन अहमद याला अटक केली आहे. अंजनी हिने विवाहासाठी विचारल्याने यामीन याने तिची गळा चिरून हत्या केली होती. मुलगी बेपत्ता झाल्यानंतर २४ दिवसांनी तिचा कुजलेला मृतदेह सापडला आहे.

१. नैनितालच्या खडकपूर गावात रहाणारी अंजली आर्य ३ ऑगस्ट २०२२ या दिवशी महाविद्यालयात जाण्यासाठी निघाली होती; परंतु ती घरी परतली नाही. कुटुंबियांनी तिचा पुष्कळ शोध घेतला; मात्र ती सापडली नाही. तिने तिच्यासोबत दागिनेही घेतल्याचे कुटुंबियांना समजले. त्यांनी पोलीस ठाण्यात मुलगी बेपत्ता असल्याची तकार प्रविष्ट केली.

२. या प्रकरणाचे अन्वेषण करणार्‍या पोलिसांनी अंजलीच्या भ्रमणभाष क्रमांकाच्या आधारे यामीन अहमदला कह्यात घेतले. यामीनने चौकशीच्या वेळी अंजलीची हत्या केल्याची स्वीकृती दिली.

३. चौकशीच्या वेळी यामीनने पोलिसांना सांगितले की, तो सामाजिक माध्यमाद्वारे अंजलीला भेटला होता. त्यानंतर दोघांमधील जवळीक वाढली. त्याने हळूहळू अंजलीला प्रेमाच्या जाळ्यात अडकवले. नंतर अंजलीने यामीनवर विवाहासाठी दबाव टाकण्यास चालू केले; मात्र यामीन तिला टाळत राहिला. अंजलीचे दडपण पाहून त्याने तिला संपवण्याची योजना आखली.