बांगलादेशात हिंदूंच्या घरांच्या परिसरात धर्मांधांनी गोमांस फेकले !

ढाका – बांगलादेशातील निलफमारी येथील किशोरगंज येथे हिंदूंच्या घरांच्या परिसरात धर्मांधांनी गोमांस फेकल्याचे निदर्शनास आले आहे. १० जुलै या दिवशी ईद होती. त्या दिवशी धर्मांधांनी रात्री १२ ते १२.३० या कालावधीत हे कुकृत्य केल्याचे समोर आले आहे. याविषयीचा व्हिडिओ बांगलादेशातील हिंदूंच्या न्याय्यहक्कांसाठी लढणारे डॉ. गोविंद चंद्र प्रामाणिक यांनी प्रसारित केला आहे. या प्रकरणी हिंदूंनी पोलीस ठाण्यात तक्रार प्रविष्ट केली आहे. या घटनेनंतर पोलीस घटनास्थळी पोचले; मात्र या प्रकरणात अद्याप कुणालाही अटक करण्यात आलेली नाही.