ड्रोन, रोबोट्स, स्वयंचलित वाहने यांसाठी ‘महाराष्ट्र स्वयंचलित प्रणाली’ घोषित !

मुंबई – संशोधन आणि विकास, नवोक्रम, उत्पादन, उपयोजना, तसेच दुरुस्ती अन् पुनर्बांधणी या क्षेत्रांत स्वयंचलित प्रणाली राबवता यावी, यासाठी ‘महाराष्ट्र स्वयंचलित प्रणाली धोरण २०२६’ निश्चित करण्यात आले आहे. १६ जून या दिवशी मुख्यमंत्री देवेंद्र फडणवीस यांच्या अध्यक्षतेखाली मंत्रीमंडळाची बैठक पार पडली.

या धोरणामुळे ड्रोन, रोबोट्स, स्वयंचलित वाहने यांच्या निर्मितीक्षेत्राला चालना मिळणार आहे. यातून या क्षेत्रांतील उद्योग, त्यासाठीची गुंतवणूक यांना प्रोत्साहन मिळणार आहे. धोरणामुळे या क्षेत्रात २५ सहस्र कोटी रुपयांची गुंतवणूक अपेक्षित आहे, तसेच १ लाखाहून अधिक प्रत्यक्ष आणि अप्रत्यक्ष रोजगाराची संधी निर्माण होणार आहेत, अशी माहिती शासनाकडून देण्यात आली.