भारतामध्ये लोकांवर आणि त्यांच्या धार्मिक स्थळांवर होणार्‍या वाढत्या आक्रमणाविषयी आम्ही चिंतीत ! – अमेरिकेचा कांगावा

वॉशिंग्टन (अमेरिका) – लोकांच्या धार्मिक स्वातंत्र्याचे रक्षण करण्यासाठी अमेरिका नेहमीच उभी आहे. भारतामध्ये लोकांवर आणि त्यांच्या धार्मिक स्थळांवर होणार्‍या वाढत्या आक्रमणाविषयी आम्ही चिंतीत आहोत, असे फुकाचे विधान अमेरिकेचे परराष्ट्रमंत्री अँटोनी ब्लिंकन यांनी केले. ते ‘जगातील धार्मिक स्वातंत्र्य’ या विषयावर आयोजित चर्चेमध्ये ते बोलत होते. ‘आशियाई देशांमध्ये विशेष करून अफगाणिस्तान, पाकिस्तान आणि चीन या देशांमध्ये अल्पसंख्य लोक अन् महिला यांना लक्ष्य केले जात आहे. आम्ही अन्य देशांची सरकारे, बहुद्देशीय संघटना, नागरिक यांच्यासमवेत या दिशेने काम करू’, असेही ब्लिंकन या वेळी ते म्हणाले.

United States Secretary of State #TonyBlinken has said there has been rising attacks on people and places of worship in India https://t.co/L6MYf8zw9L

— TIMES NOW (@TimesNow) June 3, 2022

ब्लिंकन म्हणाले की, चीनच्या कम्युनिस्ट पक्षाच्या सिद्धांतांच्या विरोधात जे आहेत, त्या धर्माच्या लोकांना चीन त्रास देत आहे. तेथे बौद्ध, ख्रिस्ती आणि मुसलमान यांच्या धार्मिक स्थळांना नष्ट केले जात आहे. मुसलमान आणि ख्रिस्ती यांना रोजगारामध्ये बाधा निर्माण केली जात आहे.